الرئيسية  
   

 
العودة   معنا ستصنعين مملكتك بنفسك > مطبخ المملكة > منتدى الطبخ
 

إضافة رد إنشاء موضوع جديد
 
 
أدوات الموضوع انواع عرض الموضوع
  #1  
قديم 17-12-12, 02:51 PM
<<<Princess Rola>>> <<<Princess Rola>>> غير متواجد حالياً
برنسيس فضية
 
تاريخ التسجيل: Nov 2012
المشاركات: 1,691
<<<Princess Rola>>> is on a distinguished road
Lightbulb بيوريه الطماطم المختلف شكلا ومضمونا .......حصري للمملكه من ايد البرنسيس

بون سوار علي احلي برنسيسات في المملكه

الموضوع ده انا عاملاه مخصوص علشان عيون ام مودي حبيبتي

وخليه هنا بقي لحد ما ربنا يرزقنا كده ببرتشن للتفريز او التجهيز هههههههه

طبعا كلنا السنه اللي فاتت شفنا الطماطم اللي اتجننت عالاخر وعرفنا فعلا ليه القوطه مجنونه
اصلها يوم بواحد يوم بخمسه اصلها ساعات طازه ساعات مش طازه

اصلها ياموجوده يا مش موجوده
ههههههههههههههه
مين فاكر الاعلان ده

عقلوها وجننوني ههههههههه

ندخل في الجد بقي وكفايه رغي

الطماطم والبصل والبطاطس من الاساسيات في اي مطبخ لايصح خلو البيت منها

والطماطم تحديدا مينفعش الخضار من غيرها


صحيح في ناس بتستعمل الصلصات او البيوريه الجاهز بس ليها طعم حامض مش طبيعي انا عن نفسي مستحيل اكل اي اكل فيها صلصله معلبه لانها بتجيبلي حساسيه من المواد الحافظه

فقررت اني النهارده اعرض عليكم طريقتي في عمل بيوريه الطماطم اللي متأكده ان كتير منكم عارفينها اكيد ومعتمده عندهم

واحب اقول ان الطريقه دي موفره جدا جدا في كذا حاجه

اولا الوقت لان التجهيز المسبق للاكل بيسهل علينا قوي الطبخ

ثانيا بيوفر جدا جدا في الكهربا مش كل يوم اطلع الخلاط واضرب واغسل واستهلك مايه وصابون وكهربا واعرض اجهزتي للتلف السريع

ثالثا وقت الطماطم بتغلي فيه قوي او تبقي مش كويسه ومش حمرا

__________________

المطلوب

حله كبيره محكمه الغطا

طماطم صحيحه وتكون بلدي مش البلحه ( الطماطم البلحه بيكون مفيهاش لحم كتير وقشرتها سميكه قوي )

بس خلاص اه والله


الطريقه

هنغسل الطماطم كويس قوي وعاده انا بقعهم في مايه بخل وبفرشه نونو بتاعه الخضار بتتلبس في الايد زي بتاعه الاظافر ادلكها براحه قوي اتسلي فيها كده

وبعد كده اشيل العنق بتاع الطماطم اقورها كده بس من فوق (في ناس بتسيبه بس بيقال انه بيبقي اكتر مكان فيه الكيماويات )

وارصها في ارضيه الحله
الكبيره والجامده تحت وتشقلبي الطماطمايه كده (خلي العنق لتحت ) علشان تستوي بسرعه

وخدي بالك انا حطيت الطماطم من غير ولا مايه ولا حاجه

خلصتي الحله غطيها بقي وحطيها علي النار المتوسطه بس 3 دقايق وبعدين هدي النار خاااااااااالص كأنه رز اة مربي



اضبطي التايمر علي نص ساعه وروحي بي عليها بصه هتلاقيها اتهرت شويه وملت الحله مايه قلبيها بشويش قوي وسيبها ربع ساع كمان



هي في العاده بتاخد تقريبا من ساعه الا ربع لساعه (حسب طبعا كميه الطماطم وحجمها )


علامه نضج الطماطم تلاقيها نزلت مايه وحشه كتير قوي كده والطماطمايه اتهرت كده وسهل نزع قشرتها خالص





حطيها في مصفاه وسبيها تهدي شويه



انزعي القشره من عليها وده بسهوله جدا جدا (انا بفضل الخطوه دي لانها بتسهل عليا في تصفيه الطماطم )



نعمليها بالهاند بليندر وصفيها علشان البذر بس ولو انه مش بيكون فيها بذر باين اصلا

بعد كده بحطها في حله علي النار تاخد غلوه واحده بس علشان لو فيه مايه في الخلاط او المصفاه مش تحمض مني لاقدر الله
ورشه ملح ورشه فلفل وبس

تبرد كيسيها او في برطمان وعلي الفريزر




****************

الطريقه سهله قوي بس الشرح طويل معلش بحب اقول كل التفاصيل

في حاجات مهمه قوي لازم نعرفها الاول

لو الطماطم انت شاكه فيها يعني واحده ضربه او فيها نقره حطيها في جنب وبلاش منها ولما تتاكدي منها اعمليها سلطه او قطعيها وشوفي قلبها وحطيها في الحله عادي

طبعا يفضل ان الحله تكون محترمه بقاعده سميكه علشان تستحمل انها تفضل علي النار ساعه ومش تشيط اللي فيها لاقدر الله

الحركه دي بتوفر عليكي انك تقفي تعصري ال5 كيلو طماطم في الخلاط ويسخن وتستني يبرد وتشغليه تاني والبلد بقيت في عرض كيلو كهربا يتوفر

الكميه اللي هتطلع مش هتحتاج الا ضربه واحده بسيطه قوي

الميزه التانيه انها صحيه وبتوفر عليكي السمن والزيت والمسبك وخفيفه طبعا جدا

الميزه المهمه قوي للناس اللي مش عندها ديب فريزر لان ال4 كيلو ممكن يتحطوا في 2 برطمان بس او كيس تلاجه واحده فبكده وفرت مكان في الفريزر

الطماطم بكده بتكون بخيرها قوي ماشاء الله وهتبهري بكميه الهالك البسيطه اللي هتطلع يادوب قشر وبذر عكس العصير والتسبيك

ال 4 كيلو صحيح هيكشوا قوي بس المكعب منها النونو بيعمل حله خضار

المايه اللي بتطلع دي بقي بتترمي لانها ببساطه هي المايه اللي بتتبخر عن تسبيك الطماطم وبكده ولا طرطشه علي حيطه ولا بوتجاز 0


اخيرا بقي لو حبيبتي تخزنيها من السنه للسنه بما اننا في موسم الطماطم حلوه وحمرا ورخيصه يبقي تضيفي لها معلقه صلصه علشان تحافظ عليها مده طويله

لو شايفه ان الطماطم مش حمرا ممكن رشه بابريكا تحمرها او معلقه صلصله للي يحب وانا شافه ان وادي فوود احسنهم لاني عامه مش بحبهم اصلا بس شايفاها كويسه شويه وحمرا او عصر سيزر بي خدوا بالكم مش هيحفظها لان الماده الحافظه فيه قليله مش زي الصلصه

الملح طبعا ماده حافظه فياريت مش تنسيه برضه بس رشه نونو قوي لان احيانا الواحد غصب عنه بيحدق الخضار او الشوربه فميبقاش الصلصه كمان لا يبقي دايما في ايدي طرف يساعدني ويلحق الموضوع


وطلبي منكم مش التقييم ولا الرد كفايه دعوه حلوه لمامتي بالرحمه والمغفره والعتق والنيران وان الموضوع يبقي صدقه جاريه لعلم ينتفع بيه علمته لبنتها


اسفه ان معظم الصور طارت اصلها عالموب وهو بيتصلح وخفت اتاخر عليكم تكون الطماطم اتجننت تاني

الصور المرفقة
نوع الملف: jpg tomatoes.jpg‏ (44.8 كيلوبايت, المشاهدات 33)
نوع الملف: jpg 20121125_233511.jpg‏ (91.5 كيلوبايت, المشاهدات 33)
نوع الملف: jpg 20121125_235146.jpg‏ (89.5 كيلوبايت, المشاهدات 33)
نوع الملف: jpg 20121125_235237.jpg‏ (88.5 كيلوبايت, المشاهدات 34)
نوع الملف: jpg images.jpg‏ (7.6 كيلوبايت, المشاهدات 33)
__________________
اللهم اغفر للمؤمنين والمؤمنات المسلمين والمسلمات الاحياء منهم والاموات

اللهم اجعل امي وابي ممن تقول لهما النار اعبرا فقد اطفأ نوركما ناري

وتقول لهما الجنه اقبلا فقد اشتقت اليكما قبل ان اراكما

اللهم امين

اللهم اغفر لامي وارحمها


اللهم انقص من وزني وزد من حسناتي










آخر تعديل بواسطة *ام انوااار* ، 17-12-12 الساعة 06:03 PM
رد مع اقتباس
  #2  
قديم 17-12-12, 03:21 PM
الصورة الرمزية shimaa waly
shimaa waly shimaa waly غير متواجد حالياً
برنسيس ذهبية
 
تاريخ التسجيل: Sep 2012
المشاركات: 9,385
shimaa waly is on a distinguished road
افتراضي

جميله قوي يا رولا
تسلم ايديك
الطريقه رائعه وانا مجرباها
تحفه تسلم ايديك
ممتااااااااااااااااااز
__________________
رد مع اقتباس
  #3  
قديم 17-12-12, 03:40 PM
بحر الحنين بحر الحنين غير متواجد حالياً
برنسيس فضية
 
تاريخ التسجيل: Sep 2012
المشاركات: 4,949
بحر الحنين is on a distinguished road
افتراضي

__________________
اللهم انى استودعتك بنتى وجوزى فاحفظهم لى





رد مع اقتباس
  #4  
قديم 17-12-12, 04:18 PM
الصورة الرمزية dodo fr
dodo fr dodo fr غير متواجد حالياً
برنسيس بلاتينية
 
تاريخ التسجيل: Sep 2012
الدولة: france
المشاركات: 10,250
dodo fr is on a distinguished road
افتراضي

ما شاء الله يا فرولتى كفيتى ووفيتى الطريقه دى ممتازة فعلا
__________________


اللهم اجعل زوجى قرة عين لى واجعلنى قرة عين له
اللهم ارزقه من حيث لا يحتسب رزقا حلالا طيبا
اللهم اجعل ابنتنا ذريه صالحه تكون ثمرة حبنا فيك
اللهم انى احبه فيك فاعصمنا الا نعصيك وارزقنا
طاعتك فى كل وقت يارب العالمين
[/CENTER]
رد مع اقتباس
  #5  
قديم 17-12-12, 05:07 PM
الصورة الرمزية banseh
banseh banseh غير متواجد حالياً
برنسيس برونزية
 
تاريخ التسجيل: Sep 2012
المشاركات: 1,178
banseh is on a distinguished road
افتراضي

طريقة حلوة جداً
تسلم ايديك
ان شاء الله اجربها
__________________
لا اله الا الله

سبحان الله و بحمده سبحان الله العظيم
رد مع اقتباس
  #6  
قديم 17-12-12, 05:09 PM
الصورة الرمزية Mai
Mai Mai غير متواجد حالياً
برنسيس فضية
 
تاريخ التسجيل: Sep 2012
الدولة: دمياط
المشاركات: 4,897
Mai is on a distinguished road
افتراضي


ممتااااااااز
تسلم ايديكى يارولا
بسم الله ماشاء الله عليكى
ربنا يرحم مامتك ويغفر لها وييجعل مثواها الجنة ان شاء الله
__________________
سبحان الله يافارج الهمّ وياكاشف الغم فرّج همي ويسرّ أمري و أرحم ضعفي و قلة حيلتي وأرزقني من حيث لا أحتسب يارب العالمين

اللهم اجعَلِ النُّورَ في بَصَري وَ البَصيرَةَ في ديني و َالْيَقينَ في قَلْبي ,
و َالإخلاصَ في عَمَلي وَ الشُّكرَ لَكَ اَبَداً ما اَبْقَيْتَنى

اللهُمْ حَرِمْ علىَ قَلِوبنا حُزنْ الدنيــآ ,وحَرِمْ علىَ أجَسِادنا نــآر الآخِرة.



اللهم إني أبرأ من حولي وقوتي إلى حولك وقوّتك فانه لا حول ولا قوة الا بك

رد مع اقتباس
  #7  
قديم 17-12-12, 06:06 PM
الصورة الرمزية *ام انوااار*
*ام انوااار* *ام انوااار* غير متواجد حالياً
برنسيس ذهبية
 
تاريخ التسجيل: Sep 2012
المشاركات: 7,350
*ام انوااار* is on a distinguished road
افتراضي

تسلم ايدك يا رولا
شرح وافي جدا
وممتاز
__________________

أسالكم الدعاء
......
اللهم انك عفو تحب العفو فاعف عنا
رد مع اقتباس
  #8  
قديم 17-12-12, 07:53 PM
الصورة الرمزية سهى عاشقة الخريف
سهى عاشقة الخريف سهى عاشقة الخريف غير متواجد حالياً
مديرة منتدى
 
تاريخ التسجيل: Sep 2012
المشاركات: 7,885
سهى عاشقة الخريف is on a distinguished road
افتراضي

‎‏ برافو يا رولاا ‏
شرح وافى والطريقه صحيه وسهله ربنا يرحم والدتك ويجعله ف ميزان حسناتها وربنا يرحمها‎
__________________



أحلى حياه فى طاعة الله



يا رب احفظ مصـــــــــــــــر
ماما مملكه

شكرااا
شكراا على كل مساعده قدمتهالنا

شكراا على كل حاجه حلوه علمتهالنا
شكراا على كل لحظة حلوه عيشتهالنا

رد مع اقتباس
  #9  
قديم 17-12-12, 08:25 PM
الصورة الرمزية سهى عاشقة الخريف
سهى عاشقة الخريف سهى عاشقة الخريف غير متواجد حالياً
مديرة منتدى
 
تاريخ التسجيل: Sep 2012
المشاركات: 7,885
سهى عاشقة الخريف is on a distinguished road
افتراضي

ممتااااااااااز
__________________



أحلى حياه فى طاعة الله



يا رب احفظ مصـــــــــــــــر
ماما مملكه

شكرااا
شكراا على كل مساعده قدمتهالنا

شكراا على كل حاجه حلوه علمتهالنا
شكراا على كل لحظة حلوه عيشتهالنا

رد مع اقتباس
  #10  
قديم 17-12-12, 08:46 PM
<<<Princess Rola>>> <<<Princess Rola>>> غير متواجد حالياً
برنسيس فضية
 
تاريخ التسجيل: Nov 2012
المشاركات: 1,691
<<<Princess Rola>>> is on a distinguished road
افتراضي

اقتباس:
المشاركة الأصلية كتبت بواسطة shimaa waly مشاهدة المشاركة
جميله قوي يا رولا
تسلم ايديك
الطريقه رائعه وانا مجرباها
تحفه تسلم ايديك
ممتااااااااااااااااااز
مرسي يا شوشو نورتي التوبيك

__________________
اللهم اغفر للمؤمنين والمؤمنات المسلمين والمسلمات الاحياء منهم والاموات

اللهم اجعل امي وابي ممن تقول لهما النار اعبرا فقد اطفأ نوركما ناري

وتقول لهما الجنه اقبلا فقد اشتقت اليكما قبل ان اراكما

اللهم امين

اللهم اغفر لامي وارحمها


اللهم انقص من وزني وزد من حسناتي









رد مع اقتباس
 
إضافة رد إنشاء موضوع جديد


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 12:10 PM.